Doel:

• Aanleer van roetine.
• Skep geleentheid vir inskerping en inoefening.
• Gee ouers ‘n aanduiding van wat in die klas behandel word.
• Maak ouers betrokke by die leerproses
  
  

Wat is u plig as ouer ten opsigte van huiswerk?

• Leerders ontvang Maandae die week se huiswerk.
• Gaan saam met u kind deur die huiswerk.
• Verdeel die huiswerk sodat al die huiswerk nie op een dag gedoen word nie.
• Oefen elke dag woordbou en lees.
• Sorg dat alle huiswerkboeke en lêers elke dag by die skool is.
• Huiswerk behoort nie langer as 30 minute per dag te duur nie.
• Huiswerk vorm ‘n belangrike deel van die inoefeningsproses en dit is tot elke leerder se voordeel om gereeld huiswerk te doen.

Deurlopende assessering vind plaas. Formele assesseringstake word deur die kwartaal geskryf. Die assesseringsplan word kwartaaliks op die d6 Connect toepassing geplaas. Assessering word volgens die sewe-puntskaal gedoen.
‘n Leerder moet die volgende promosiepunte behaal om te kan slaag:

Slaagvereistes:

• Afrikaans Huistaal: 4 (50%)
• Engels Addisionele taal: 3 (40%)
• Wiskunde: 3 (40%)

Indien ‘n leerder afwesig is moet die voogonderwyseres in kennis gestel word. Sou die leerder afwesig is weens siekte, moet ‘n doktersbrief of ouerbriefie ingehandig word. Indien ‘n leerder herhaaldelik afwesig is sonder ‘n geldige verskoning sal die onderwyser dit deurgee aan die Departementshoof Grondslagfase wat dit verder sal opvolg.

Indien ons kleinspan ekstra hulp nodig het met skolastiese vordering of emosionele welstand is ons daar om te ondersteun. Op ons skoolterrein is daar terapeute wat ook diep spore in kinders se lewe trap. Die pitstop vir spraak, arbeids, sielkundige, remediëring en leesterapie kan op ons terrein gemaak word. Die onderwysers bied ook hulpverleningsklasse aan vir leerders wat ekstra ondersteuning nodig het.