Laerskool Lynnwood Pre-Primêr
WELKOM BY PRE-PRIMêR
Ons is ‘n juweel in die hartjie van die Ooste van Pretoria. Hetsy jou kind as superheld of prinses sy of haar karakter wil uitleef, bied Lynnies Pre-Primêr ‘n geborge atmosfeer waar hul speel-speel deur passievolle personeel begelei word om holisties te groei en hul sprokies-lewensverhaal kan begin.
Ons visie is om die mees toonaangewende Pre-Primêre skool te wees wat kleuters in ‘n geborge atmosfeer tot skoolgereedheid begelei.
PERSONEEL
ONS PERSONEEL
Ons is ‘n professionele instansie met gekwalifiseerde, uitkomsgedrewe personeel wat elke kleuter se individualiteit raaksien en daarna streef om kleuters op ‘n deursigtige, liefdevolle en kreatiewe wyse te ondersteun om sy/haar eie boek te skryf.
BELEID
ONS BELEID
KOMMUNIKASIE
Laerskool Lynnwood Pre-Primêr se kommunikasie is gebasseer op wedersydse respek, vrymoedigheid en toeganklikheid, daarom glo ons aan ‘n oopdeurbeleid.
WAARDE-GEBASEERDE DISSIPLINE
Om kleuters op te bou en hul selfbeeld te ontwikkel is vir ons belangrik. Daarom volg Laerskool Lynnwood Pre-Primêr ‘n dissiplinestelsel gebasseer op die skool se 12 waardes. Hiervolgens word die kleuters begelei om die regte besluite te neem en verantwoordelikheid aan te leer.
SPANWERK
Spanwerk is prioriteit. Die professionele optrede van ons personeel laat ruimte vir elke kleuter en ouer se uniekheid, maar ook vir hul kinderlike verbeelding.
KWALITEIT ONDERRIG
Elke klas het ’n onderwysassistent wat besig is met haar onderwysstudies, wat die personeel se hande sterkmaak.
Elke klas het ‘n passievolle en gekwalifiseerde onderwyseres asook ‘n onderwysassistent, wat besig is met haar onderwysstudies. Saam is hul ‘n gedugte span.
ASSESSERING
Alle assessering vind deurlopend op ‘n informele wyse plaas. Daar word kwartaalliks aan ouers, in die vorm van vorderingsverslae, terugvoer gegee. Ouermiddae word gereël om die kleuters se vordering en ander sake te bespreek.
EMOSIONELE VERSORGING
Fisiese en emosionele versorging van ons kleuters in ‘n kindervriendelike en veilige omgewing is vir ons belangrik.
Ons het ‘n verskeidenheid van terapeute soos: Arbeidsterapeute, spraakterapeute en ‘n opvoedkundige sielkundige op die terrein. Die terapeute werk as ‘n span saam met die onderwysers en ouers om struikelblokke vroegtydig uit die weg te ruim.
SAOU KURRIKULUM (GR. RR + RRR)
Graad RRR en RR-kleuters volg die SAOU se kurrikulum, as ‘n minimum vereiste, gebasseer op elke kleuter se ontwikkelingsvlak.
KABV KURRIKULUM (GR. R)
Die graad R- kleuters volg die voorgeskrewe kurrikulum, vanaf die Departement van Onderwys. Daar word op die volgende gefokus: Afrikaans Huistaal, Wiskunde en Lewensvaardigheid.
DIENSTE
ONS DIENSTE
d6 Connect
Laai gerus die toepassing op u slimfoon af. Alle interne dokumente sal op die toepassing beskikbaar wees. Akademiese punte en finansiële inligting is ook op die toepassing beskikbaar.
Laai hier af.
Heronderrig word deur die personeel aangebied indien nodig.
Arbeidsterapeute, spraakterapeute en ‘n opvoedkundige sielkundige op die terrein beskikbaar. Die terapeute werk as ‘n span saam met die onderwysers en ouers om optimale onderrig en vordering te verseker.
INLIGTING
ALGEMENE INLIGTING
-
Die gr. RR- en gr. R- kleuters neem weekliks aan groot motoriese aktiwiteite deel. Tydens die LO-periodes word die kleuters se grootspier vaardighede ontwikkel en kry hul blootstelling aan sekere sportsoorte.
