Tuisblad

Hallo maats!

My naam is Kaspaas en ek is 'n trotse Lynnie!

Kom ek vertel julle so bietjie van ons skool.

Hier by Laerskool Lynnwood is ons hard aan die werk om ’n splinternuwe webblad te bou. Daarom wil ons graag vir almal baie dankie sê vir hulle geduld gedurende die afgelope week terwyl ons besig was met die oorskakeling. Die inhoud op die webblad sal binne die volgende paar dae op datum gebring word.

Boodskap van die Hoof

By Laerskool Lynnwood streef ons daarna om Christelike normes en waardes te hanhaaf. Jesus is nie Laerskool Lynnwood se belangrikste eregas nie, want HY WOON HIER. Godsdienstige oortuigings is 'n belangrike bron van die identiteit, waardes en lewens- en wêreldbeskouing van ouers, onderwysers en leerders van ons skool.

Soos Laerskool Lynnwood se visie dit stel, is dit vir ons belangrik dat elke kind gelukkig moet wees. Ons glo dat gelukkige kinders hulle optimale potensiaal kan bereik en die strewe is om elke kind daartoe te begelei. Elke leerder word gesien as 'n Godgegewe gawe en verdien om met agting en respek behandel te word. By Laerskool Lynnwood word erkenning gegee aan elke kind se uniekheid en moontlikhede.

Wanneer leerders skool toe kom, word ouers en onderwysers vennote. Die skool en die ouerhuis moet mekaar aanvul in belang van ons kinders se opvoedende onderwys. 'n Omgee-atmosfeer word gehandhaaf.

Dit is ook vir ons belangrik om gebalanseerde kinders te ontwikkel. Ons is trots om te sê dat ons goed opgeleide personeel het wat dit vir ons moontlik maak om hoë standaarde te handhaaf. Ons is 'n skool waar sterker leerders gestimuleer word tot uitnemendheid, gemiddelde leerders word gestimuleer om hulle volle potensiaal te bereik en aan leerders met spesiale behoeftes word hulp op verskillende tereine verleen.

Vir my sa hoof van Laerskool Lynnwood is kinders 'n passie en ek streef daarna om te alle tye toeganklik vir alle leerders van hierdie skool te wees. Enige leerder is enige tyd welkom om met my te kommunikeer en my kantoordeur staan altyd oop vir leerders, ouers en onderwysers. Kom gesels gerus met my oor enige aangeleentheid of stuur 'n e-pos aan: Hierdie e-posadres word van Spambotte beskerm. Jy moet JavaScript ontsper om dit te lees.